حقيقة تبرعات الصومال

تقرير السيد فؤاد الرفاعي

السلام عليكم ورحمة الله وبركاته

المثل يقول أهل مكة أدرى بشعابها..

كثر الكلام على تبرعات الصومال..وبصراحة تحرجت اني انقل أي شي الا لما أتأكد بنفسي..
كلمت وحده من صديقاتي الصوماليات عايشة في الكويت، ولكن لها أهلها وناسها وقرايبها في الصومال..وطبعا هم ادرى بحالهم أكثر من غيرهم..بعثت لها رابط تقرير السيد فؤاد الرفاعي وسألتها..هل الكلام صحيح؟؟

((وكان هذا ردها))

صح ونص بعد..

الحال ما يعلم فيه إلا ربنا..

انتي حسبالج المجاعة صارت مني والطريج !!

ترا جنوب الصومال غني بالزراعة وتطلع فيه أغلب المحاصيل الزراعية..

والأمطار ما توقف، كل يومين نازل عليهم مطر..

لولا أن فيه عيال الحرام مثل هالتجار ومس}ولين كبار بالدولة والدول المجاورة اللي قاعده تلعب بالديرة وبأسعار الأكل، جان مو هذا الحال..

الديرة فيها ظلم وفساد ما يعلم فيه إلا ربنا واللي قاعد يصير أكبر من المجاعة..

الله يفك هالأبرياء اللي قاعدين يموتون ضحايا..

نص المساعدات مو قاعدة توصل..

والمنطقة اللي صايرة فيها المجاعة للحين ماحد قادر يوصل لها بسبب الحرامية والمرتزقة..

الهيئات اللي قاعدة تروح معظمها توصل لمناطق خارج مقديشيو تنطر الناس اهما يوصلون لهم..

والغالب مو قاعد يوصل، قاعدين يموتون في الطريج..

حسبي الله ونعم الوكيل..

اجتهدوا بالدعاء لهم الله يخليكم خصوصاً في هالأيام..

لا أحد يتبرع لجهة ما يعرفهم..

إذا بتتبرعون بس حق الهيئة الخيرية الإسلامية العالمية والعون المباشر بس..

والله يجزاكم خير..

أترك لكم التعليق .. وعسى ربي يكشف الضر عنهم ويرحمهم برحمته ويأجرهم على ما أصابهم..وطبعا تحديد أماكن التبرعات ما ينتقص من اللجان الثانية الله يجزاهم خير..لكن ممكن هاللجنتين عارفين طريقة التعامل عدل ولهم خبرة في وضع البلد وعارفين شلون يضمنون وصول التبرعات..وفي كل الأحوال ماحد قادر يوصل لمكان المجاعة الحقيقية..بسبب البلطجية على قولتهم وقطاع الطريج..لكن لا ننسى أهم سلاح اللي هو الدعاء وخصوصاً بالليل..عليكم بسهام الليل..فإنها لا تخطئ..

آخر زوارة قبل السفرة