شنو اللي بقى من الأصناف اللي نقدر ناكلها ؟؟ إذا كل شي طلع غير صالح للاستخدام الآدمي والمطاعم قاعدة تستخدم أغذية فاسدة ؟؟ حقوق الإنسان ماغير شايخة علينا بالخدم، عاملوا الخدم عدل وعطوهم راحة. انزين واللي قاعدة يصير فينا !! مو انتهاك لحقوق الانسان !! لما أخلي الناس تاكل أكل فاسد أو غير صالح للاستخدام الآدمي، هذا مو انتهاك للحقوق ؟؟
وبعدين وينه وزيرنا الحلو ؟؟ ليش ما ينشر أسماء هالأماكن اللي فيها أغذية فاسدة وبس فالحين يحطون لنا صورة المداهمات ؟؟ خايفين على تجارتهم لا تخرب ؟؟ والا عشان يستمر المطعم في شغله من غير ما يخسر زباينه ؟؟
الله واكبر يا خزان، توكلنا شي غير صالح للاستخدام الآدمي ؟ لهالدرجة يعني الناس مالها قيمة عندك ؟؟ ايييييييييييه الشكوى لله يا خزان...اللحين بيقولون الصورة ملفقة
أنا شكلي باصير نباتية وايد احسن وافضل والله يعافي البقول أخذ منها البروتينات والتوفو...
