الله يرحمج يا جدتي

ترافل...صنع ايديا

الترافل حلو تقديم سهل وبسيط وطعمه أكثر من رائع

المكونات :

كيك من أي نكهة تفضلونها انا استخدمت كيك فانيلا وبرتقال وكاكاو
كريمة جبن او زبدة كاكاو او زبدة فول سوداني المهم شي كريمي تخلطون معاه الكيك
كاكاو ساده او كاكاو حليب او كاكاو أبيض

الطريقة :

نفتت الكيك بالمكينة او بااليد وانا صراحة استخدمت ايدي وطبعا طبعا لبست gloves
نخلط الكريمه مع الكيك - انا ما حطيت كمية محدده بس حطيت الكريمة بالتدريج واذا حسيت انها عجينة الكيك شوي يابسة زدت شوية كريم لما في النهاية طلعت معاي عجينة متماسكة نوعا ما
نكور العجينة ونصف الكور في صينية ونحطها بالفريز دقايق بسيييييييطة عشان بس تمسك كرات الكيك وما تفتت اذا غمسناها بالكاكاو
نسيح الكاكاو على النار بحمام مائي ونغمس كور الكيك ونصفها على صينية - انا غلفت الصينية بورق نايلون عشان لا تلصق كور الكيك عليها
ممكن نرش جوز هند او بسكوت مفتت او بودرة قهوة على الكور من فوق لاضافة نكهة

وبالعافية يارب

 

رحلة جميلة إلى أبيات

صبحكم الله بالخير أو مساكم الله بالخير على حسب التوقيت الزمني اللي عندكم

قبل فترة رحنا لأبيات - وهو مجمع تقريبا مثل ايكيا الحلو فيه انه دور ارضي كبير وواسع مافي دور ثاني يعني مناسب للكبار في السن واللي يستخدمون الكرسي المتحرك .. كل اللي تبونه تلاقونه فيه .. من أثاث .. مطابخ .. ديكورات حمامات .. أصباغ .. بيبان .. أرضيات داخلية وخارجية .. شبابيك .. والتشكيلة صراحة أكثر من رائعة

حاولت أصور كل الشغلات اللي عجبتني وفي شغلات ثانية ممكن تكون احلى وافضل

الحلو ان اسعارهم تقريبا ممتازة والاحلى خدمة مابعد البيع تواصلوا معانا بالرسائل القصيرة عشان يخبرونا بموعد وصول الاغراض وكذلك بعد ما تم التسليم تواصلوا معانا علشان بتأكدون من جودة الاغراض

أترككم مع الصور

 

Family Gathering