المطحنة الدولية 2

موالح مقرمشة يابانية

حااار - حلوو في نفس الوقت

لا تطوووفكم

الكيلو بدينارين وشويات

الزوجة الكويتية - عن مئة رجل (الجزء الثاني)

(تنويه : أولا: أنا أتكلم عن الأغلبية بس ما أعمم كلامي على الكل. ثانياً: الكلام ما أقصد فيه نفسي، علشان لا تيي وحده أموره وتقعد تطبق هالكلام علي وعلى حياتي)

وتمر الأيام والشهور والسنين. ويزيد عدد اليهال. وتزيد مسؤوليات الزوجة، وبالمقابل، يتقلص دور الزوج في بيته وعايلته الصغيرة.


وتضاف مسؤولية تدريس اليهال ومتابعتهم في المدرسة لجدول مهمات الزوجة. وطبعا الخدامة اهيا تطلبها واهيا تدفع معاشها واهيا تجابلها وتعلمها واذا سوت مشاكل اهيا اللي تتصرف معاها. 


فوق الهم هذا كله، بعض الأزواج يحملها هم ديون، يقعد يتميلح فوق راسها، ويتمصلح لين تاخذ له قرض، وعقب ماتشوف رقعة ويهه، عشان ان صار ماصار، مرته اللي تاخذ منع السفر وهو يروح يسرح ويمرح على راحته.


هذا كله غير الأسلوب الخالي من الكلمات الحلوة والاحترام اللي يعامل فيه الزوج زوجته. الكلام السنع والزين للناس واللسان الزفر لمرته، واذا اشتكت لأي احد من زوجها، يقومون عليها، " حرام عليج ريلج لسانه عسل - حرام عليج ريلج سنع - حرام عليج ريلج خدوم " - اي كل هالزين للناس مو لبيته وزوجته.


والبعض طبعا مايقصر، يمد ايده وريوله بعد على زوجته - يامال الكسر ان شاء الله-، لو أنت صج ريال روح مد ايدك على ريال مثلك مو تستقوي على بنت الناس.


وبعد كل هالمعاناة، الكل يطالب الزوجة أن تكون حلوة ورشيقة وكاشخة ولسانها ينقط عسل. وبعض الرياييل يتشرط بعد، يبيها مثل ممثلة معينة والا مغنية معينة، والزوجة تحوس بنفسها بالاصباغ والخلطات والتان والرجيم والشد عشان ترضي الباشا. وطبعاً ما تتجرأ تطلب من زوجها يعدل شكله مع أنه اللهم يا كافي يقطع الخميرة من البيت، زوج من الأزواج خذا زوجته لطبيب تجميل بعد ولادتها بشهرين عشان تشد جسمها وتصغر صدرها، مسكينة صار فيها هوس ان زوجها لايعة جبده من شكلها بعد الولادة !!!!!!!


وتبتلش الزوجة وتحس أنها طاحت في بئر عميييق وموقادرة تطلع منه. بعض الزوجات تستلم استسلام نهائي وترضى بحياتها واللي انكتبت عليها وتبدي تحط همها في نفسها وعيالها وتطنش زوجها وتصرفاته. أما الصنف الثاني، فتوقف مع نفسها وقفة صراحة وتحاول تعرف الخلل وين، وتستشير الدكتورة ناعمة الهاشمي وغيرها، وتحاول تغير أسلوب حياتها وحياة زوجها. عاد في منهم اللي تنجح وفي منهم اللي تستمر تحاول وفي منهم اللي تفقد الأمل.


هذا نموذج لحياة بعض الأزواج. ومثل ماقلت، هالكلام ما يعم على الكل. بعض الأزواج ينحط على الجرح يبرا، وبعض الزوجات حيه رقطه، ماتخلي زوجها بحاله. بعض الأزواج ينسلخ من حياتة الزوجية بعد الطفل الثاني، أو بعد سنوات من الزواج، وبعضهم مثل ما ذكرت سابقاً ينسلخ مبجر، عقب شهر العسل. وبعض الزوجات ماتعرف تدير بيتها، ولا فيها فطنة وأسلوب في التعامل. 


الأخطاء في الحياة الزوجية مشتركة، مستحيل نلوم طرف واحد بس. بس أكبر خطأ الزوجة، أنها تستكت وتستلم لطبعها أو طبع زوجها السلبي.


من وجهة نظري - وهي قابلة للمناقشة - أن:


*الخطأ الأول هو خطأ الأهل: مثل ما البنت يعلمونها وينصحوها عن الحياة الزوجية ومعاملة الزوج، المفروض حتى الريال، يمسكه ابوه والا امه ويعلمونه شلون يعامل بنت الناس وشلون يدير بيته.


*الخطأ الثاني هو خطأ الزوج نفسه: اذا اهله ماعلموه، المفروض هو يعلم نفسه. يدخل دورات او يقرا يكتب او اقلها يطلب النصيحة من شيخ او عالم او من له باع في العلاقات الاجتماعية. وطبعاً نفس الكلام للزوجة.


*الخطأ الثالث على الزوجين: فترة الملجة مو فترة طلعة ووناسة فقط، المفروض تكون فترة تعارف بين الزوجين. أي مجموعة أشخاص يبون يفتحون شركة، يقعدون يناقشون اهداف الشركة وشروطها وقوانينها. الحياة الزوجية هي عبارة عن شركة بين طرفين كل واحد فيهم من بيئة تختلف عن بيئة الثاني. اللي يشوفه الزوج عيب قد يكون عند الزوجة موعيب. واللي يكون عند الزوجة غلط وخط احمر قد يكون عند الزوج شي عادي. 
عشان جذي، المفروض في فترة الملجة، يقول الزوج اللي يحبه واللي مايحبه، والزوجة كذلك تقول اللي تبيه واللي ماتبيه، ويشوفون وين الاختلاف بينهم ويفكرون بحل وسط يرضي الطرفين. وهني يطلع دور التنازلات.


*الخطأ الرابع بين الزوجين: العناد وان كل واحد يركب راسه ومايرضى يتنازل.


الخطأ الخامس: ان الزوجين يفشون اسرارهم ومشاكلهم لاهلهم. لان الزوجين يرجون يتصافون بعد كل مشكلة والاهل اللي تشين قلوبهم على زوجة ولدهم او ريل بنتهم.


الخطأ السادس: المفروض الزوجة ما تتنازل عن أي حق من حقوقها، لأنها ان تنازلت مرة، راح تتنازل كل مرة وعاد يمسكها الزوج حجة عليها، "اشمعنه هذيك المرة رضيتي - اشمعنه هذاك اليوم ماقلتي شي" ... الخ الخ الخ


~ تابع في الحلقة القادمة ~

الزوجة الكويتية - عن مئة رجل (الجزء الأول)

(تنويه : أولا: أنا أتكلم عن الأغلبية بس ما أعمم كلامي على الكل. ثانياً: الكلام ما أقصد فيه نفسي، علشان لا تيي وحده أموره وتقعد تطبق هالكلام علي وعلى حياتي)

ماراح أتكلم عن حياة البنت الكويتية قبل الزواج، لأن حياتها الفعلية وأرشيف تجاربها وهمومها ومشاكلها يبدي عقب الزواج.

من أول ما تنخطب البنت تبدي مرحلة تثقيفها - على يد الأم - عن الحياة الزوجية وعن حقوق الرجل عليها، وشنو المفروض تسويه وشنو اللي المفروض ما تسويه، شلون تتكلم مع زوجها، شلون تناقشه، اذا عصب شلون تحتويه، شلون تفرحه اذا ضاق خلقه ... وهلم جرا.

عقب الملجة، تعيش البنوته الأموره حياة الأميرات. تكون محط اهتمام الكل، ابتداءاً من زوجها وانتهاءاً بشغالاتهم في البيت. الزوج في هالفترة مستانس فيها، آخر دلع، آخر دلال، اللي تبيه يسويه لها، تكون فترة استعراض مهارات بالنسبة له. وتستمر فترة استعراض الزوج لمهاراته حتى نهاية شهر العسل. وعقبها STOP.

تبدي زهوة العروس المسكينة تقل في عين زوجها. ويكون نوعاً ما شبع منها - على قولة يدتي "ذاق مزتها وخلص"- ويبدي يرجع لطبيعته البشريه - على أساس أن الفترة اللي فاتت كان بطبيعته الملائكية - وتبدي العيوب والأخطاء السبعة تطلع، وتكتشف الزوجة المسكينة، أن اللي صار من قبل مجرد حلم حلو وصحت منه.

 يبدي الزوج يرجع لدوانياته وقعداته مع ربعه ويبدي شوي شوي يقط البيت وما حمل على ظهر المسكينة زوجته، مثلاً، يخليها تروح تتسوق بروحها، تروح الطبيب بروحها - بعد ما كان يطير فيها للطبيب طيران-، تشتري ماجلة البيت بروحها، وعذره في هذا كله "عندج سيارتج"، يعني بمعنى آخر، سوي شغلج بنفسج.

وتطق الصدر المسكينة، وتشيل البيت كله فوق راسها - مثل ما يبي زوجها - وعلى قلبها أحلى من العسل، لأن توها في بداية حياتها وهاذي تجربة يديدة عليها، فتكون مستانسة فيها، وطبعاً لكل شي في بدايته حلاوة مايشبع منها الواحد. وتستقر حياتهم فترة من الزمن على هالمنوال:

الزوجة: تقعد الصبح، تجهز ريوق زوجها - تقعده من النوم - تروح الدوام - ترجع من الدوام - تجهز الغدا - تغسل المواعين - تحط راسها وتنام شوي - تسوي جاي العصر - تنظف بيتها - تروح الجمعية/ تخلص مشاوير البيت / تطلع مع أمها أو خواتها (طبعا رفيجاتها لأ، لأنهم موداخلين مزاج زوجها، أو لأنه يبي يفرض كلمته وبس، أو لأنه يغار عليها تطلع مع بنات ويضايقونهم شباب....الخ الخ) - اذا رجع زوجها مبجر تقعد معاه شوي والا تقعد تشوف التلفزيون - تحط راسها وتنام

الزوج: يقعد من النوم - يتريق - يروح الدوام - يرجع من الدوام - يتغدا - ينام - يشرب جاي العصر - يروح الدوانية او يطلع مع ربعه - يرجع البيت - ساعات يتكرم ويقعد مع مرته شوي وساعات والله يسحب عليها ويحط راسه وينام

وفجأة، يكسر الروتين هذا، خبر حمل الزوجة بولي العهد. تتغير موازين الزوج ويرجع يهتم بزوجته، وتصير نمبر ون في حياته. ويبدي يسوي عنها المشاوير الخاصة بالبيت. ويرز ويهه في كل مراجعة طبيب، لما توصل الزوجة الأشهر الأخيرة. وتبدي الزوجة تجهز للاستقبال وللبيبي. وهني يا زوجها يطلع خوش واحد ويخليها تسوي اللي بخاطرها - على أساس أول بيبي وودها تستانس فيه- أو أنه يطلع عينها ويقعد يناشبها على كل صغيره وكبيرة، هذا ليش؟ وهذا شحقه؟ وهذا ماله داعي وهذا غالي وهذا رخيص. يا أخي خلها تسوي اللي تبيه، كافأها على الخدمات اللي سوتها لك من قبل وعلى أكبر هدية بتعطيك اياها ، اللي هي ولدك والا بنتك.

وتولد الزوجة بالسلامة، وتسوي استقبال، ويخلص الاستقبال، وتروح بيت أهلها علشان فترة النفاس. وفترة النفاس هاذي تعتبر فرصة للزوج علشان يرجع شوي لحياة العزوبية. يطلع على كيفه ويرجع البيت متى ما يبي، ينام بالشاليه على كيفه، ويسوي كل اللي ما قدر يسويه من بداية زواجه، ساعات حتى سفر يسافر، ما يخلي شي بخاطره.
والزوجة المسكينة، محبوسة في بيت أهلها، بين هالبيبي اللي مو راضي يسكت، وبين هالحسو واللهوم والقبوط وخرابيط النفاس. يعني النفسية مو تصير صفر، إلا تصير بالحضيض، لو توقف ذبانة على خشمها، ذبحتها ونتفتها.

وطبعا ما تشوف رقعة ويه زوجها الا اذا وصته على شي لها او للبيبي من الجمعية او من الصيدلية، وطبعا إما يشتري لها الزوج اللي تبيه بنفس راضية، ويوصل لها الاغراض بنفس راضية، ويلعب مع البيبي شوي بنفس راضية بس علشان لا يخرب على نفسه فرحة استعادة حياة العزوبية من جديد، أو أن الزوجة المقرودة تسمع لها كلمة على الماشي وهو يوصل لها الاغراض "ليش ما شريتيه من قبل - كل هالمخاسير وهم اغراضج ناقصة" .... الخ الخ من تحلطم الزوج.

تخلص فترة النفاس. ويرجع الزوج لحياته الزوجية -وهو يجر رجليه جراً- وينطر أي فرصة علشان يعبر عن ضيقة خلقه. وترجع الزوجة المسكينة الصبورة لحياتها الزوجية، ومسؤولياتها زايدة مو ناقصة. وتبدي الزوجة تبتلش مابين البيبي االصغير اللي بين ايدها والبيبي الكبير اللي عندها في البيت - زوجها-. اذا صاح وليدها الصغير الصبح، عصب الكبير وطلع برا البيت او جابل التلفزيون وعطاها اذن من طين واذن من عجين، وكأن اللي قاعد يصيح مو ولده. وإذا صاح الصغير وهو نايم، صرخ على مرته " طلعي أنتي وولدج برا خليني أنام"، على أساس أن زوجته مو حقها تنام وترتاح.

وتستقر حياتهم مرة ثانية على نفس المنوال، مع اضافات بسيطة على جدول مهمات الزوجة:

الزوجة: تقعد الصبح، تجهز ريوق زوجها - تقعده من النوم - تغير حق ولدها - تجهز ملابسه وجنطته- توديه بيت أهلها - تروح الدوام - ترجع من الدوام - تروح تاخذ ولدها من بيت اهلها - تجهز الغدا - تغسل المواعين - تجابل ولدها (تغير له، ترضعه والا توكله والا يقعد يتنهوص فوق راسها ومايخليها تنام) - تسوي جاي العصر - تنظف بيتها - تروح الجمعية/ تخلص مشاوير البيت / تطلع مع أمها أو خواتها أو رفيجاتها (ولو تبي تطلع مع ابليس راح يرضى الزوج بس علشان يفتك من حنتها وحنة ولدها) - تجهز عشاها - تنوم ولدها (بعد ما يطلع روحها) - تحط راسها وتنام

الزوج: يقعد من النوم - يتريق - يروح الدوام - يرجع من الدوام - يتغدا - ينام - يشرب جاي العصر - يروح الدوانية او يطلع مع ربعه - يرجع البيت - دايرت يحط راسه وينام.

... يتبع في الحلقة القادمة ...

المطحنة الدولية (1)

أحب هالمطحنة وااايد


مرتبة ونظيفة وفيها فناتق حلوة


هاذي اخر مشترياتي منها


فراولة مجففة بدون مواد حافظة


وجبة خفيفة صحية

Getting ready for the Summer Vacation - Une Part

مونوغرام كانفاس -أكبر حجم ويالله تكفي - حجمها 24 في 13 في 10 انش طبعا والشولدر ستراب اقدر اشيله واقدر اخليه، وهذا الحلو في هالمديل احسن من اللي بدون الستراب.

جنطة Damier canvas بس حجمها اصغر من الاولى بشوي 21 في 9 في 12 انش - حق بو الشباب

جنطة حق اللاب توب وملحقاته ويمكن استخدمها للكتب اللي بترافقني في السفر - الجنطة من الكولكشن الرجالي سايزها 15 ونص في 12 في 6 انش

 

حافظة ايباد - للحين ما شريت الايباد على فكرة، باشتريه الشهر الياي - عندي مبدأ تجهيز الدوا قبل الفلعة

غلاف الجواز حجمه تقريبا 4 في 5 ونص انش - الغلاف اللي عندي شالوه جوازات السعودية وضيعوه ، كان ديزاينه نفس الجواز بس يكون على شكل غلاف


نصيحة أخيرة - اللي يعاني من شين نفسية اللي يشتغلون ب LV الكويت ، ترى الشوبنج عن طريق الموقع وااااايد أريح من مقابل ويوهم - ويا حلاة مندوب أرامكس (جورج) اللي يوصل الأغراض لباب البيت

موجز القارئ ... reader's digest - بكمل الباجي بعدين

reader's digest

مجلة شهرية تقريبا شاملة لجميع المواضيع

العائلية - الصحية - التكنولوجية وغيرها من المواضيع

عدد هالشهر قريت فيه وايد مواضيع حلوة

في صفحة React والمخصصة لعرض الرسايل اللي تتكلم عن العدد السابق، لفت نظري رد على موضوع Food Fight (محاربة الطعام أو الأكل)، بحاول اترجمه وعذروني على الاخطاء :)


" نحتاج للقليل من المنطقية لندرك أن الأغذية قليلة الدهون - كثيرة الكاربوهيدرات لا تجدي نفعاً (" أهذه طريقة لخسران الوزن؟"). رزقت بطفل قبل ثمانية أشهر، وأنا الآن أقل وزناً من قبل أن أحمل. استطعت خسران الكثير من الوزن الزائد عن طريق تناول أغذية طبيعية ذات محتوى دهني طبيعي (مثل الحليب الكامل لدسم، الاأفوكادو، والزبدة) والامتناع عن الأطعمة المعالجة - قصدها المقلية او اللي معاها بهارات -. عن طريق هذا النظام، حصل جسمي على حاجته من الطاقة، كما أن الرغبة في تناول السكريت أصبحت قليلة، والشعور بالتعب والانهاك اختفى." جيل وينجر.

موسم حساسية، من غير أدوية - من غير طعاس؟
1. غير روتين حياتك وابق داخل المنزل قدر المستطاع في الأيام المشمسة، أوقات الرياح، وعندما يصل عدد حبوب اللقاح في الجو أقصاها.
2. تناول الملحقات الغذائية، مثل الأعشاب والحبوب المستخلصة من الأعشاب. عشبة ال ButterBur حققت نجاح في علاج الحساسية.
3. تغطية الأنف والفم بماسك.
4. اترك الأدوية. اذا كنت مستمر على تناول الأدوية، ومازلت تعاني من الحساسية، فقد حان وقت الطب البديل أو الطب التقليدي.

التطبيقات هي:

1. HarvestMark Food Traceability

2. StillTasty

3. Om Nom?

An "Ethical will" ensures you'll leave something more than your money behind - by Beth Dreher

"we cannot change the cards we are delt, just how we play the hand". This wisdom helped the late Professor Randy Pausch's 2007 talk, "The Last Leacture," become a viral video on YouTube and a bestselling book.

للمقالة بقية تلاقونها بالمجلة :)

بس بشكل عام تتكلم عن الوصية، وان احنا المفروض نترك وصية لعيالنا مو بس تتعلق بالشؤون المالية، المفروض نكتب لهم وصايا من نوع آخر، شلون يواجهون الحياة، شلون يتصرفون في المواقف الصعبة، شلون يستمتعون بدنيتهم وطبعا للمسلمين شلون يجمعون حسنات في هالدنيا .... وغيرها من الأمور المهمة في الحياة.

اقتباس اخترته لكم من المجلة

العدة الجديدة :)

طبعا العدة للحين ناقصة ما كملتها ، أول ما أكملها بأضيف باجي الصور

وأخيرا شبكنا بالهوت سبوت

لتفعيل ال HotSpot للأيفون 3GS اتبعوا الخطوات التالية:

1. تحديث الايتونز للاصدار العاشر.
2. تحديث الايفون للاصدار 4.3.2

عقب ما تخلصون تحديثاات ننتقل للخطوات التالية

Settings - General - Network - Cellular Data Network

بتلاقون في آخر القائمة

Internet Tethering

بالنسبة لمشتركين زين كتبوا التالي:

APN: pps
Username: pps
Password: pps

رجعوا لقائمة ال Settings

بتلاقون خيار جديد انضاف للقائمة اسمه Personal Hotspot

حطوه تشغيل

وتقدرون تشبكون بالنت عن طريق البلوتوث أو عن طريق توصيل الفون باللاب بال USB

وسلامتكم :)

طبق الخير في مركز منار السبيل

في يوم الأربعاء 20 ابريل 2011

أقام مركز منار السبيل "طبق خير"، ريعه لمشروع الوقف الخيري

بدأ النشاط درس لإحدى الداعيات في تمام الساعة الخامسة عصراً

ثم افتُتِح طبق الخير بعد صلاة المغرب

طبعا المكان كان نسائي فما قدرت أصور إلا الأطباق

تبرع من الصافي - النزهه

وأخيراً قبوط لعيون صمت النار :)

تشقير وبعده قص ... شنو الحكمة مادري !!

‏​‏​‏​‏​‏​‏​‏​‏​‏​‏​‏​‏​‏​‏​موضة جديدة أو شبه جديدة في الصالونات النسائية - والله الحريم مو عارفين شنو يسوون بروحهم -

تشقير شعر الحاجب بالأكسجين لما يروح لونه وعقب ينقص بالمقص

شنو الحكمة من هالخطوات مادري

بس هذا يعتبر تحايل على الدين

مثل بني اسرائيل لما ربي حرم الصيد عليهم السبت، فكانوا يحطون الشباك يوم الجمعة عشان تتجمع فيها الاسماك يوم السبت

ربي حرم علينا النمص والتحريم كان مطلق وعام

ما استثنى أحد، حتى الزوجة ما استثناها من النمص عشان زوجها

هاذي فتوى وصلتني للشيخ محمد العريفي عن حكم قص شعر الحاجبين:

http://www.youtube.com/watch?v=hPWMaj2YuL8&NR=1

حقيقة فتوى الشيخ د. محمد العريفي - حفظه الله (البنت لاتجلس مع أبيها إلا بوجود أمها)

On Thursday 21st April 2011, @Qtee_Man said:

حقيقة فتوى الشيخ د. محمد العريفي - حفظه الله
(البنت لاتجلس مع أبيها إلا بوجود أمها)

أنصر الشيخ بنشر هذا الفيديو لكل من تعرف كي يعرف الناس الحقيقه!

قال عليه الصلاة والسلام في الأحاديث الصحيحة:
(إن الله حيي ستير يحب الحياء والستر)
وقال:
(الحياء من الايمان والايمان في الجنه)
وقال:
(إن لكل دين خُلقاً، وخُلق الإسلام الحياء)

http://www.youtube.com/watch?v=huTq_WCKxck

حقائق غيبها المفترون ولا حول ولا قوة الا بالله وحسبنا الله ونعم الوكيل:

اولاً:
الشيخ حفظه الله اجاب عن حاله معينه تتمثل بوجود أب شاذ مجرم، ولم يعمم على جميع بنات المسلمين.

ثانياً:
الشيخ اثابه الله وجه هذه البنت بأن تتجنب الوقوع مره اخرى في هذا التحرش، ولفت انتباهها الى طريقة لبسها امام هذا الأب، وعدم الجلوس معه لوحدهم لانه أب شاذ.

ثالثاً:
شرعا..! وبغض النظر عن هذه الفتوى، فإنه لايجوز للبنت ان تلبس العاري او الشفاف او الضيق الذي يظهر مفاتنها امام محارمها وإن كان (ابوها، اخوها، عمها، جدها، خالها...إلخ).

وكذلك للأم أيضاً ضوابط شرعيه تحكم لباسها أمام أبنائها، فالكثير من الأمهات يسترون أقل مما يظهرون من أجسادهم أمام أبنائهم وهذا منهي عنه شرعاً وبالأدله الشرعيه ( رضي من رضي وزعل من زعل ) فالدين ليس بالأهواء أو التمني!

رابعاً:
قياس بسيط يفهمه العامي قبل المتخصص.. الشواهد التاليه لنساء فقط يجلسن مع بعض، ولا وجود للرجال بينهم، ومع هذا أنظر ماذا حكم الشرع في حقهم:

الأول: دخلت نسوة (نساء) من بني تميم على السيدة عائشة رضي الله عنها، وكانت عليهن (أي النساء) ثياب رقاق ( أي شفافه او تصف ماتحتها). فقالت عائشه:
إن كنتن مؤمنات فليس هذا بثياب المؤمنات، وإن كنتن غير مؤمنات فتمتعن به. إنتهى

الثاني: وأُدخلت على السيده عائشة عروس عليها خمار رقيق شفاف. فقالت عائشة رضي الله عنها:
لم تؤمن بسورة النور إمرأة تلبس هذا. إنتهى

الثالث: عن عائشة بنت ابو بكر رضي الله عنهم، أن حفصة إبنت أخيها (عبدالرحمن ابن ابوبكر)، دخلت عليها بشئ يشف عن عنقها (فقط العنق)، فشقته السيده عائشة وقالت:
إنما يضرب بالكثيف الذي يستر. إنتهى

ومن أراد الزياده فليرجع لأقوال العلماء في حكم لباس المرأه المسلمه وسيجد ضالته بإذن الله، فالأمر ليس بجديد ولا مبتدع.

أنشر الرساله وأنصر أخوك المسلم، فالدال على الخير كفاعله وجزاكم الله خير

أحب أعسف المهرة اللي تغلى ~ واحب أروّض كل طرفٍ يموقِ

يامدور الهين ترى الكايد أحلى
اسأل مغنّي كايدات الطروق

الزين غالي لكن الأزين أغلى
ولكل شرايٍ بضاعة وسوقِ

النوّ عالي والسما فوقه أعلى
لا فاق علمٍ جاه علمٍ يفوقِ

الصعب هلاّ قلت ياصعب سهلا
دامك تبيني فانت ياصعب شوقِ

أحب أعسف المهرة اللي تغلى
واحب أروّض كل طرفٍ يموقِ

واحب أسافر مع سحاب تعلّى
واحب فوق الغيم لمع البروقِِِِ

واحب اساهر بدري اللي تجلى
وارسم شعاع الشمس عند الشروقِ

يامن على ثاير فوادي تولّى
خلّك على قلب الكرامة شفوقِ

أكرم عزيزٍ بالعمر ماستذلّى
يسوق عمره للمشاريف سوقِ

اخترتك من الناس للقلب خلّى
ياحيثك مرادي وكيفي وذوقي

مارحت أدوّر كل زولٍ تحلّى
لولاك تسوى ماعطيتك خفوقي

برنامج رائع tvQuran

لن أطيل الحديث عن هذا البرنامج الرائع

عندما تقومون بتجربته ستعرفون ما أتحدث عنه